የስነ ህዝብ ስታቲስቲክስ መሪ ሥራ አስፈፃሚ
የስነ ሕዝብ ስታቲስቲክስ መሪ ሥራ አስፈፃሚ በኢትዮጵያ ስታቲስቲክስ አገልግሎት (አ.ስ.አ) ስር ካሉት ዋና ዋና የስራ ክፍሎች አንዱ ሲሆን የሕዝብ እና የቤት ቆጠራዎችን፣ የናሙና ጥናቶችን በማካሄድ እንዲሁም ከአስተዳደር የመረጃ ምንጮች ስታቲስቲካዊ መረጃዎችን በመሰበስሰብ፣ በማጠናቀርና በመተንነተን ለመረጃ ተጠቃሚዎች የማቅረብ ኃላፊነት አለበት።
ዋና ዓላማዎች
የዋና ሥራ አስፈፃሚው ዋና ዓላማ ከሕዝብ እና ቤቶች ቆጠራ፣ የናሙና ጥናቶች፣ የአስተዳደር ስታቲስቲክስ የመረጃ ምንጮች እና ሌሎች የሕዝብ መረጃ ምንጮች ሳይንሳዊ ዘዴዎችን እና ዘመናዊ ቴክኖሎጂን በመጠቀም ከፍተኛ ጥራት ያላቸውን፣ ወቅታዊ እና አስተማማኝ የስነሕዝብ እና ማህበራዊ-ኢኮኖሚያዊ ስታቲስቲክስን መሰብሰብ፣ ማጠናቀር እና መተንተን እና ውጤቱን ለፖሊሲ አውጪዎች፣ ተመራማሪዎች፣ መንግሥታዊ እና መንግሥታዊ ያልሆኑ ድርጅቶች እና ለሌሎች የስታቲስቲክስ መረጃ ተጠቃሚዎች ዘመናዊና ተስማሚ የመረጃ ስርጭት ዘዴዎችን በመጠቀም ማቅረብ ነው።
ሚናዎች እና ኃላፊነቶች
- • የአገሪቱን ሕዝብ በክልሎች፣ በዞኖች፣ በወረዳዎች እና በቀበሌዎች በጾታ እና በእድሜ ማመንጨት
- • የህዝብን ባህሪያትና ተለዋዋጭነት የሚወስኑ (የመራባት፣ የሞት፣ የስደት) አመልካቾችን የሚያመለክት መረጃ በማዘጋጀት ማቅረብ፣
- • ስለ ህዝብ አሰፋፈር፣ መኖሪያ ቤት፣ ዓይነት እና ሁኔታ እና ሌሎች የሕዝቡን ማህበራዊ እና ኢኮኖሚያዊ ባህሪያት ገጽታዎች መረጃ ማቅረብ፤
- • በአገሪቱ ውስጥ ያሉትን የቤቶች ብዛትና ዓይነት፣ በከተሞች ውስጥ ዘመናዊ የቆሻሻ ማስወገጃ (ደረቅ/ፈሳሽ) የሚጠቀም ህዝብ ብዛት እና በከተሞች ውስጥ መደበኛ ቤቶች ያሏቸው ሰዎች ብዛት ላይ መረጃ ማቅረብ፤
- • በየጊዜው የውሃ፣ የኤሌክትሪክ፣ የመጸዳጃ ቤት፣ ወዘተ አቅርቦትን የሚያሳይ መረጃ ማመንጨት።
- • የአገሪቱን የሕዝብ ብዛት መጠን እና አይነት የሚያሳይ መረጃ ማመንጨት፣ በአገሪቱ ውስጥ ያሉ ከተሞች በክልል፣ በዞን እና በወረዳዎች ስርጭት፣
- • የህዝብ ብዛት በጾታ፣ በዕድሜ፣ በትምህርት፣ በጤና አገልግሎት ተቋማት፣ በዓይነት እና በቁጥር ላይ መረጃ ማመንጨት፣
- • የተሰበሰበውን የሕዝብ ብዛት መረጃ በማጣመር እና በማዛመድ መደበኛ፣ ሰፊ እና ጥልቅ ጥናት እና ምርምር (ጥልቅ ትንተና) ማካሄድ፣
- • የአገሪቱን ሕዝብ የወደፊት የዕድግት አቅጣጫዎች፣ ስብጥር እና እድገት በክልል፣ በዞን፣ በወረዳ እና በከተሞች የሚያሳይ የሕዝብ ብዛት ትንበያ ማዘጋጀት እና ማቅረብ፣
- • የሕዝብ እና የጤና አመልካቾችን መሰብሰብ እና ማሰራጨት፡-
- • የወሊድ መጠን (በወጣቶች እና በአዋቂ ሴቶች)
- • የቤተሰብ ዕቅድ (የወሊድ መከላከያ አጠቃቀም)
- • የእናቶች እና የሕፃናት ጤና
- • የአዋቂዎች እና የሕፃናት ሞት
- • የእናቶች እና የሕፃናት አመጋገብ
- • የወሲብ ጥቃት (ስርጭት እና ዓይነቶች)
- • በግብረ ሥጋ ግንኙነት የሚተላለፉ በሽታዎችን የተመለከተ የህዝብ ግንዛቤ
- • የኤችአይቪ ስርጭት እና መጠን
- • የሴቶች ግርዛት መጠንና ስርጭት
- • የፊስቱላ ስርጭት
- • የትምባሆ አጠቃቀም እና
- ሌሎች የመረጃ ዓይነቶች ተሰብስበው ለመረጃ ተጠቃሚዎች ተደራሽ ይሆናሉ።
ዋና ዋና ታትመው የተሰራጩ መረጃዎች
- የስራ ክፍሉ አሳትሞ ያሰራጫቸው ዋና ዋና ውጤቶች የሚከተሉትን ያካትታሉ፡
- 1. እ.አ.አ. በ1984፣ 1994 እና 2007 የተካሄዱ ብሔራዊ የሕዝብ እና የቤቶች ቆጠራ ውጤቶች (የስታቲስቲክስ እና የትንታኔ ሪፖርቶች)
- 2. እ.አ.አ. የ2013 የኢንተርሴንሳል ስነ ህዝብ ጥናት ሪፖርት
- 3. የኢትዮጵያ ሕዝብ ትንበያ (እ.አ.አ ከ2008 እስከ 2037)፣
- 4. የኢትዮጵያ የስነ ሕዝብ እና የጤና ጥናት ሪፖርቶች (እ.አ.አ 2000፣ 2005፣ 2011 እና 2016)
- 5. የፍልሰት ስታቲስቲክስ ጥናት ውጤቶች (እ.አ.አ 2021)
- 6. አመታዊ የአገር አቀፍ፣ የክልሎች፣ ዞኖችና ወረዳዎች የህዝብ ብዛት ትንበያ
- 7. የኢትዮጵያ የስነ ሕዝብ እና የጤና ጥናት (እ.አ.አ የ2024-25 የጥናት ቁልፍ ውጤቶች አመልካች ሪፖርት)