ነሐሴ 23/2017 ዓ.ም አዲስ አበባ፣

ከፕላንና ልማት ሚኒስቴርና ከኢትዮጵያ ስታቲስቲክስ አገልግሎት ለተወጣጡ ባለሞያዎች “Monetary Welfare and Poverty Measurement” በሚል ርዕስ የተዘጋጀ ሥልጠና ተሰጠ።

በስልጠናው ማጠቃለያ ላይ የተገኙት የተቋሙ ዋና ዳይሬክተር ክቡር ዶ/ር በከር ሻሌ በተቋሙ እየተካሄደ ላለው ብሔራዊ የተቀናጀ የቤተሰብ ጥናት (NIHS) የመረጃ ማጥራትና ሪፖርት ዝግጅት ክህሎት ለማሻሻል ታስቦ የተዘጋጀ ሥልጠና መሆኑን ገልጸው፤ በሥልጠናው ያገኛችሁትን ዕውቀት እና ክህሎት ለጥናቱ የመረጃ ማጥራት ሥራ ተግባር ላይ እንድታውሉ ሲሉ መልዕክታቸውን አስተላልፈው፤ ለስልጠናው የቴክኒክና የገንዘብ ድጋፍ ላደረገው የዓለም ባንክን አመሰግነዋል።

ስልጠናው እየተካሄደ የሚገኘው የተቀናጀ የቤተሰብ ጥናት መረጃ የመሰብሰብ ተግባር ከተጠናቀቀ በኋላ በመሆኑ ከጥናቱ የሚገኙትን መረጃዎችን የማጥራትና ለሪፖርት ዝግጅት የሚያስፈልጋቸውን  ክህሎትና ልምድ ያገኙበት ጠቃሚ ስልጠና መሆኑን በኢትዮጵያ ስታቲስቲክስ አገልግሎት የቤተሰብ፣ በጀትና ሌበር ስታቲስቲክስ መሪ ስራ አስፈፃሚ አቶ ፉፋ ቡልቶ ገልጸዋል።

ስልጠናው ከነሐሴ 19-23/2017 ዓ.ም የተሰጠ ሲሆን ከሁለቱ ተቋማት የተውጣጡ 29 ባለሞያዎች ተሳትፈዋል።