ህዳር 19/2018 ዓ.ም አዲስ አበባ፣

የኢትዮጵያ ስታቲስቲክስ አገልግሎት ከጥቅምት 1/2018 ዓ.ም ጀምሮ በመላ ሀገሪቱ እያካሄደ ስለሚገኘው የኢትዮጵያ የኢኮኖሚ ድርጅቶች ቆጠራ የመረጃ ሰጪዎችን ግንዛቤ ለማሳደግ ሚዲያዎች የሚጠበቅባቸውን ድጋፍ ማድረግ እንዳለባቸው ጠየቀ።

የኢኮኖሚ ድርጅቶች ቆጠራ በእስከአሁን ሂደቱ በጥሩ ሁኔታ እየተከናወነ እንደሚገኝ በጽህፈት ቤታቸው ከሚዲያዎች ጋር በነበራችው ቆይታ የገለፁት የተቋሙ ዋና ዳይሬክተር ክቡር ዶ/ር በከር ሻሌ በማንኛውም ዓይነት የኢኮኖሚ እንቅስቃሴ ላይ በመሳተፍ የሚገኙትን የሀገራችን ዜጎች ከቆጠራ የሚገኙት መረጃዎች ሀገራዊ የኢኮኖሚ ዘርፍ አበርክቶ መጠን ለማወቅ እንዲሁም የዘርፉን ቀጣይ ዕድገት ለማረጋገጥ ለሚዘጋጁት ፖሊሲ፣ ስትራቴጂና ዕቅድ ዋና ግብዓት በመሆን ለሀገር የሚያስገኙት ጠቀሜታ ከፍተኛ መሆኑን በመረዳት ትክክለኛ መረጃ በመስጠት እንዲተባበሩ ሚዲያዎች የመረጃ ሰጪዎችን ግንዛቤ በማሳደግ የሚጠበቅባቸውን ድጋፍ እንዲያደርጉ ጥሪያቸውን አቅርበዋል።